Þórr inn sterki

Hvaða gripir auka mátt Þórs?

Þórr er sterkastr allra goða ok manna. Ríki hans heitir Þrúðvangar. Þar á hann höll, er heitir Bilskirnir. Í henni eru 540 herbergi. Í Gylfaginningu segir, at þat sé mest hús, er menn viti.

Er hann ferr leiðar sinnar, ekr hann í reið, er 2 hafrar draga. Þórr á ok dýra gripi. Af þeim hræðask jötnar mest hamarinn Mjöllni. Sá hamarr hefir brotit höfuð margra feðra þeirra ok frænda.

Aðrir gripir hans eru megingjarðar ok járnglófar. Er hann spennir beltið um sik, vex honum ásmegin. Járnglófana þarf hann at hafa, er hann tekr um skaptið á Mjöllni. Í Gylfaginningu segir, at engi sé svá fróðr, at hann kunni at telja öll stórvirki Þórs.

Les skýringarLúk aptr skýringum