Úlfar elta sól ok mána

Hví fara sól ok máni svá skjótt?

Í „Gylfaginningu“ er sagt, hví sólin ferr svá ákafliga. Sá er eltir hana er skammt undan. Hon á einskis annars kost en renna undan. Hon óttask úlfinn, er eptir henni ferr.

Úlfrinn, er eltir sólina, heitir Sköll. Hann mun um síðir ná henni. Inn annarr úlfr, Hati, rennr fyrir sólinni. Hann vill ná mánanum. Hati mun ok fá þat, er hann sækisk eptir, ok taka mánann.

Ætt þessara úlfa kom ór Járnviði. Sá skógr er fyrir austan mannaheim. Þar býr öldruð gýgr. Fleiri gýgjar eiga ok heima í þessum skógi.

In aldna gýgr elr marga jötna at sonum, ok eru þeir allir í úlfs líki. Sköll ok Hati eru af þeirri ætt.

Les skýringarLúk aptr skýringum