Hetjan sem spurði um framtíð sína

Hvað gerir maður ef hann fær að vita um eigin dauða?

Í Grípisspá heimsækir Sigurður Grípi, móðurbróður sinn. Hann vill vita hvernig líf hans verði. Grípir segir að hann muni einn síns liðs drepa dreka. Hann segir líka að Sigurður muni skera með sverði brynjuna af sofandi konu á fjalli. Þá muni hún vakna.

Sigurður spyr hvað gerist enn síðar. Grípir vill hætta frásögninni áður en öll sagan er sögð. En Sigurður biður hann að segja sér líka frá því sára og leyna engu. Að lokum fer frændi hans að segja frá örlögunum sem leiða til dauða hans.

Samkvæmt spádóminum munu Sigurður og Brynhildur heitast hvort öðru. En vegna ráðabruggs Grímhildar gleymir hann Brynhildi. Síðan biður hann hennar í líki Gunnars, svo að hún verði eiginkona Gunnars. Sjálfur giftist Sigurður Guðrúnu, dóttur Grímhildar.

Brynhildur verður óánægð með hjónaband sitt og ráðgerir hefnd. Að lokum verða bræður Guðrúnar Sigurði að bana. Þegar Sigurður hefur heyrt allt sættir hann sig við að enginn fái breytt örlögum sínum. Hann kveður frænda sinn, sem hefur svarað honum eins og hann óskaði.

Lesa skýringarLoka skýringum